Бишкектеги паркка 85 түп эмен көчөтү отургузулду
7-ноябрда Бишкек шаарынын мэри Айбек Жунушалиев Кыргызстан менен Түштүк Корея достук паркынын көрктөндүрүү иштеринин жүрүшү менен таанышты.
Мэриядан маалымдагандай, күзгү жашылдандыруу өнөктүгүнүн алкагында аталган аймакка 85 түп эмен көчөтү отургузулду.
Эске салсак, буга чейин бул жерде "Будда бар" жайгашкан. Кийинчерээк ал демонтаждалып, жаңы ээлери аймакты жашыл зона түзүү үчүн шаарга өткөрүп беришкен.
Шаар башчысы аталган аймакты талаптагыдай абалга келтирип, жашылдандыруу иштерин жүргүзүү тапшырмасын берген.
"Эң негизгиси — сугарууну камсыз кылгыла. Бир дагы дарак суусуз калбашы керек. Аймакты толугу менен тазалап, иретке келтирип, газонду да калыбына келтирүү зарыл", — деди Жунушалиев.
Белгилей кетсек, кечээ Бишкек шаарынын аймагында күзгү жашылдандыруу өнөктүгүнүн алкагында жалпы 600 түп бак-дарактын көчөтү отургузулду.
Күндүн негизги жаңылыктары — Telegram каналыбызда
Каналга катталуу
