Ысык-Көлдө 1000ден ашык жаранга акысыз медициналык консультациялар берилди
Ысык-Көл облусунун тургундары үчүн уюштурулган акысыз медициналык консультациялар жыйынтыкталды.
Акысыз медициналык кабыл алууну Улуттук онкология жана гематология борборунун тажрыйбалуу дарыгерлери жүргүзүштү.
Белгиленгендей, жарандар маммолог-онколог, гинеколог-онколог, жалпы онколог, балдар онкологу жана УЗИ адистеринен консультацияларды алышты.
Медициналык консультациялар 2–3-ноябрда Тоң райондук жалпы дарыгерлер практикалык борборунда, 4-ноябрда Жети-Өгүз райондук жалпы дарыгерлер практикалык борборунда жана 5–6-ноябрда Каракол шаарындагы Облустук үй-бүлөлүк медицина борборунда өткөрүлдү.
Иш-чаранын алкагында үч аймак боюнча жалпы 1 034 жаран дарыгерлердин кабыл алуусунан өтүп, тиешелүү медициналык консультацияларды жана сунуштарды алышты.
Аталган иш-чара Жогорку Кеңештин депутаты Болот Сагынаевдин колдоосу жана "Кереметке ишенем" коомдук фондунун демилгеси менен уюштурулган.
Күндүн негизги жаңылыктары — Telegram каналыбызда
Каналга катталуу
