"Асанбайда" Кыргызстандагы эң бийик кароол дөңгөлөгү орнотулуп жатат
Бишкекте "Асанбай" паркын жаңылоо иштери уланып жатат. Октябрь районунун акимчилигинин маалыматы боюнча, учурда паркка жаңы форматтагы аттракциондор орнотулуп, эс алууга ыңгайлуу инфраструктура кеңейтилип жатат.
Паркка орнотулуп жаткан кароол дөңгөлөгү (колесо обозрения) бийиктиги 90 метрди түзөт. Бул Кыргызстандагы эң бийик аттракцион болот.
Акимчилик кошумчалагандай, курулуш бүткөндөн кийин "Асанбай" паркы борбордун түштүк бөлүгүндөгү эң чоң жана заманбап эс алуу аймактарынын бири болуп калат.
Учурда Кыргызстандагы эң бийик кароол дөңгөлөгү Ысык-Көл облусунун Бостери айылында — 76 метр. Бишкекте болсо Панфилов паркындагы кароол дөңгөлөгү — 50 метр жана ал эң бийик деп эсептелет.
Иштердин аякташы 2026-жылдын июнь айына пландалган.
