Өзбекстанда саатына 260 км ылдамдыкта жүрө турган ылдам поезд ишке киргизилет
2026-жылдын 2-майынан тарта Өзбекстанда Ташкент–Хива багыты боюнча “Жалолиддин Мангуберди” аттуу жаңы ылдам жүрүүчү поезд каттай баштайт. Бул долбоор өлкөдө заманбап темир жол каттамдарын кеңейтүүдөгү маанилүү кадам катары бааланууда.
Өзбекстандын туристтик биримдигинен маалымдагандай, жаңы поезд Түштүк Кореянын Hyundai Rotem компаниясы тарабынан чыгарылып, саатына 260 чакырымга чейин ылдамдыкта жүрө алат. Курамында 7 вагон болуп, жалпысынан 390 жүргүнчүгө ылайыкташтырылган. Поездде VIP, бизнес жана эконом класстагы орундар болот.
Бул темир жол каттамы негизги шаарлардын ортосундагы жол жүрүү убактысын кыйла кыскартып, жүргүнчүлөр үчүн ыңгайлуу жана заманбап шарттарды сунуштайт.
Поездге Хорезм империясынын акыркы башкаруучусу, тарыхта эрдиги жана мекенчилдиги менен белгилүү Жалолиддин Мангубердинин ысымы берилген.
