Илон Маск 118 млрд $ жоготуп, триллионерлер катарынан чыкты
Америкалык ишкер, Илон Маск акыркы өзгөрүүлөрдөн улам 118 миллиард $ жоготуп, дүйнөдөгү триллионерлердин катарынан чыкты. Бул тууралуу Bloomberg агенттиги бүгүн жарыялады.
Маалыматка ылайык, Масктын байлыгы 11% кыскарып, 957 млрд $ чейин төмөндөгөн. Ошол эле учурда анын байлыгы жыл башынан бери 338 млрд долларга же 54,5 % көбөйгөн бойдон калууда.
Масктын негизги активдери катары Tesla жана SpaceX эсептелет. Айрыкча SpaceX компаниясынын баасы 2026-жылдын июнь айында биржага чыккандан кийин 1,8 триллион $ жеткен.
Bloomberg белгилегендей, байлыктын азайышына негизинен Teslaдагы акцияларга байланышкан өзгөрүүлөр себеп болгон. Маск мурда сыйлык катары алган айрым акциялар белгилүү шарттар аткарылмайынча жеткиликтүү болбогондуктан, алар анын таза байлыгын эсептөөдө эске алынган эмес. Натыйжада анын капиталы болжол менен 111 млрд $ кыскарган.
Мындан тышкары, Маск SpaceX компаниясынын миллиарддаган акцияларына, ошондой эле Neuralink жана The Boring Company стартаптарындагы үлүштөрүнө ээ.
Ошого карабастан, 957 млрд долларлык байлыгы менен Илон Маск дүйнөдөгү эң бай адамдардын бири бойдон калууда жана Bloomberg агенттигинин – дүйнөдөгү эң бай адамдардын ичиндеги 500 миллиардердин сап башында келе жатат.
