Мындан ары президентке “Түндүк” тиркемеси аркылуу кайрылууга болот
Садыр Жапаровго кайрылуу жөнөтүү үчүн кагаз түрүндөгү арыз жазуунун, почта аркылуу жөнөтүүнүн же президенттин администрациясына жеке баруунун кажети жок. Бардык кайрылуулар тиркеме аркылуу электрондук түрдө кабыл алынат. Бул тууралуу Кызмат мекемесинен билдиришти.
Маалыматка ылайык, колдонуучулар өздөрүнүн кайрылуусуна расмий документтерди, сүрөттөрдү жана башка кошумча материалдарды тиркей алышат. Тапшырылгандан кийин, кайрылуу расмий түрдө катталат жана арыз ээси анын абалын көзөмөлдөй алат.
Жаңы кызматты колдонуу үчүн, сиз “Түндүк” тиркемесин эң акыркы версияга жаңыртып, башкы беттеги “Президентке кайрылуу” бөлүмүн тандашыңыз керек.
