Бишкек мэри "Яндекс" өкүлдөрү менен «акылдуу шаар» маселесин талкуулады

Бишкек шаарынын мэри Айбек Джунушалиев эл аралык өкмөттөр менен байланыштар боюнча башкаруучу директору Евгений Шумилов баштаган Яндекс компаниясынын Кыргызстандагы өкүлдөрү менен жолугушту.

Муниципалитеттен билдиргендей, тараптар коомдук транспортту санариптештирүү жана жол кыймылын башкаруу жаатындагы кызматташтыкты талкуулашты.

Компаниянын өкүлдөрү "акылдуу шаарды" өнүктүрүүгө багытталган биргелешкен бир катар чечимдерди ишке ашыруу пландары тууралуу айтып беришти.

Ошондой эле шаардык мобилдүүлүктү (самокаттар) жакшыртуу боюнча мүмкүн болуучу чаралар талкууланды.

Шаар мэри Айбек Джунушалиев жооптуу жетекчилерге көтөрүлгөн маселелер боюнча сунуштарды киргизүүнү тапшырды.

Жыйындын соңунда мэр "Яндекс Такси" жана "Яндекс Доставка" ишканаларында иштеген айдоочулар жана курьерлер жол эрежесин катуу сактоого токтолду.