Бишкекте жол тыгындарын азайтуу боюнча ачык диалог өттү

Бишкекте жол тыгындарын азайтуу боюнча ачык диалог өттү

Кечээ, Бишкек шаарындагы ДЕПО-2 аймагында борбор калаадагы транспорттук кырдаалды жакшыртуу жана жол тыгындарын азайтуу маселелерине арналган алгачкы ачык эксперттик жолугушуу — Жол боюнча кеңеш өттү. Бул тууралуу муниципалитеттен билдиришти.

Иш-чаранын негизги максаты — шаар ичиндеги жолдорду коопсуз жана ыңгайлуу кылууга багытталган практикалык чечимдерди иштеп чыгуу болуп саналат.

Кеңеш ачык диалог форматында өтүп, ага окумуштуулар, шаарды пландаштыруу боюнча эксперттер, коомдук активисттер жана массалык маалымат каражаттарынын өкүлдөрү катышты.

Жолугушууну Бишкек шаарынын мэри Айбек Джунушалиев ачып, Жол боюнча кеңеш — бул шаар тургундары менен бийликтин өз ара аракеттенүүсүнүн жаңы форматы экенин баса белгиледи.

«Бул жөн гана кезектеги жыйын эмес, бул – ачык диалог үчүн жаңы аянтча. Биз сындагандар менен да түз сүйлөшүүгө даярбыз. Анткени биз дал ошол тургундар үчүн иштеп жатабыз. Бир күндө бардык маселелерди чече албасыбыз түшүнүктүү, бирок тургундардын сунуштарын угууга жана аларды чогуу ишке ашырууга даярбыз», — деди шаар башчысы.

Мэр ошондой эле мындай форматтагы жолугушуулар мындан ары да туруктуу негизде өткөрүлөрүн, алар борбордун транспорттук системасын өнүктүрүү боюнча натыйжалуу чечимдерди кабыл алууга өбөлгө түзөрүн кошумчалады.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

Бишкекте кайсы курулуш объектилери текшерилди?

Бишкектеги 8 акча алмаштыруу бюросуна 55 миң сомдон айып пул салынды

Ош шаарындагы Абдыкадыров көчөсүнө 70 түп сирень отургузулду

Таласта таштанды башкаруу системасын жакшыртуу боюнча иштер жүргүзүлүүдө

Өзбекстанда канча кыргыз жашайт?