Жөө өтмөктөн жасалма интеллектке чейин: Бишкектеги тыгын көйгөйүнө сунуштар
Бишкек шаарындагы ДЕПО-2 аймагында борбор калаанын транспорт тармагын өнүктүрүү жана тыгындарды азайтуу маселелерине арналган «Жол боюнча кеңеш–2025» жыйынында Бишкек шаарындагы тыгын маселесин чечүү үчүн бир катар инновациялык чечимдер сунушталды.
Муниципалитеттен билдиришкендей, иш-чарага мэр Айбек Джунушалиев, ЖККБ башчысы Манас Сыдыгалиев, транспорт жана жол-транспорттук инфратүзүмдү өнүктүрүү департаментинин директору Улан Бейшенбаев, ошондой эле "Санариптик технологиялар борбору" муниципалдык ишканасынын директору Жумамүдүн Жумалиев катышты.
Жолугушууда атайын тилкелерди уюштуруу, аэропортко түнкү автобус каттамын ишке ашыруу, жөө адамдар өтүүчү өтмөктөрдү куруу, жасалма интеллектти колдонуу, унаа токтотуучу жайларда саатына акы төлөө системасын модернизациялоо сыяктуу маселелер талкууланды. Ошондой эле Бишкектин башкы планын ишке ашыруу боюнча сунуштар каралды.
Мэр Айбек Джунушалиев катышуучуларга конструктивдүү диалог үчүн ыраазычылык айтып, бардык маселелердин көзөмөлгө алынарын жана тез арада чечиле турганын белгиледи. Жол боюнча кеңеш – 2025 бул тармакта муниципалитет, эксперттер, коомчулук жана медиа өкүлдөрү биргелешип иш алып баруучу жаңы аянтча экени айтылды.
