Транспорт

2025-жылы Кыргызстанда жалпы 1200 километрден ашык жолго асфальт төшөлдү

Ишкер Media

24 окт. 2025 11:44

Транспорт жана коммуникациялар министри Абсаттар Сыргабаев транспорт жана жол чарба кызматкерлерин кесиптик майрамы менен куттуктап жатып Кыргызстанда жыл башынан бери 1200дөн ашык чакырым жол асфальтталганын билдирди.

Министрдин айтымында, акыркы жылдарда жол тармагынын өнүгүүсүнө жакшы шарттар түзүлүп, Барскоон - Бедел, Балыкчы - Бөкөнбаев - Каракол, Ала-Бука - Жаңы-Базар - Кировка, Нарын - Баетов унаа жолдору мамлекеттин эсебинен курулуп жатат.

“Ошондой эле Бишкек шаарынын айланасындагы жолдорду кеңейтүүнүн алкагында Бишкек - Кант, Бишкек - Күн-Туу - Шопоков, Лебединовка - ГЭС 5 жана Бишкектин - Түндүк айланма жолдору курулуп жатат. Жол тыгынын алдын алуу жана айдоочуларга ыңгайлуу шарт түзүү максатында министрлик быйыл шаарды айланып өтүүчү 6 тилкелүү магистралды куруу иштерине активдүү киришкен.

Мындан сырткары, Түндүк – Түштүк альтернативдүү автожолундагы 5 кошумча курулманы куруу уланып, жарактан чыккан Өзгөн - Мырза-Аке - Кара-Кулжа жолунун 33 чакырымы капиталдык оңдоодон өткөн.

Көп жылдан бери көтөрүлүп, бирок бир катар себептерден улам кийинкиге жылдырылып келген Ош - Баткен - Раззаков жолу жасалды. Туруктуу туризмдин өнүгүшүнө, аймактык каттамдарды жакшыртууга түрткү берген Түп-Кеген жолу ачылды. Чолпон-Ата шаарынын борбордук көчөсү кыска мөөнөттө жаңыланып, пайдаланууга берилди", - деди министр.

Мындан тышкары окуңуз

Кыргызстанда 90 380 жаңы "Алиппе" таратылат

1 -класстарга Алиппе окуу китеби басылып чыкканын Агартуу министрлигинен билдиришти. Маалыматка ылайык, аталган министрликтин жана Окуу китеби мамлекеттик мекемесинин өкүлдөрү даярдалган Алиппе окуу китептерин кабыл алышты. Окуу китептери “Учкун” басмаканасында басылып чыгып, мектептерде окутуу кыргыз тилинде жүргүзүлгөн класстар үчүн атайын каралган. Жалпы 90 миң 380 нускада Алиппе өлкөнүн бардык аймактарындагы

2025-жылы Кыргызстанда 1545 км жол оңдолуп, курулган

17-апрелде Министрлер Кабинетинин төрагасынын орун басары – Суу ресурстары, айыл чарба жана кайра иштетүү өнөр жайы министри Эрлист Акунбековдун жетекчилиги алдында Транспорт жана коммуникациялар министрлигинин 2025-жылда аткарган иштери жана 2026-жылга карата аткарылуучу иш пландары каралган жыйын болуп өттү. Бул тууралуу министрлер кабинетинен кабарлашты. Маалыматка ылайык, отурумда алгач министрликтин жалпы ишмердүүлүгү, өлкө

Бакудагы Алят портунда миңдеген жүк ташуучу унаалар топтолуп турат

Бакудагы Алят эл аралык портунда Борбор Азияга жүк тартып келаткан миңдеген фура жыла албай турганы эл аралык маалымат булактары жарыялады. Жакынкы Чыгышта согуштан улам Иран кошуна өлкөлөрү менен чек араларын жапкан. Ошол себептен Азербайжан-Түркмөнстан паром маршруту аймакка Түркия жана Европадан товар ташуунун жападан жалгыз жолу болуп калган. Тажикстандык айрым ишкерлер

Бишкекте жол тыгындарын азайтуу үчүн кыска автобус маршруттары киргизилет

Бишкек шаарында жаңы кыска автобус маршруттары киргизилип, жүргүнчүлөргө айрым учурда бир нече транспортко отуруп барууга туура келерин шаар мэри Айбек Джунушалиев билдирди. Анын айтымында, мурда шаардагы тыгындарды жана экологиялык көйгөйлөрдү азайтуу максатында 4 миңге жакын микроавтобус каттамдан алынган. Учурда Бишкекте 1200гө жакын электробус жана газ менен жүргөн автобустар иштеп жатат.