Транспорт

Яндекс Такси: Жүргүнчүлөр менен айдоочулардын коопсуздугу 800 миң сомго чейин камсыздандырылат

Ишкер Media

29 окт. 2025 15:56

Яндекс Такси сервисинде жүргүнчүлөрдүн жана айдоочулардын өмүрү менен саламаттыгы 800 миң сомго чейин камсыздандырылат. Бул тууралуу “Яндекс Кыргызстан” компаниясынын жетекчиси Тилек Сулайманов билдирди.

“Биз баарынан мурда коопсуздук маселесине абдан олуттуу мамиле жасайбыз. Мисалы, такси кызматындагы коопсуздук боюнча: айдоочулардын бардыгы тиркеме аркылуу сөзсүз курстан өтүшөт. Бул курста тиркемени колдонуу, жол коопсуздук эрежелери, айдоочулук документтердин текшерилиши жана фотокөзөмөл камтылган. Ар күнү айдоочу документ аркылуу катталган адам өзү экенин тастыктоо максатында сүрөткө түшүп, системага жүктөйт. Система текшерип, тастыктагандан кийин гана уруксат берет,” — деди ал.

Яндекс Такси кызматында унаалардын ылдамдыгын көзөмөлдөгөн атайын система бар. Бул система жол коопсуздук эрежелеринин сакталуусун жана шаар ичинде коопсуздук коркунучун алдын алууга жардам берет. Эгер жол кырсыгына кабылуу коркунучу пайда болсо, система дароо эскертет. Айдоочу бир нече жолу эскертме алса, система автоматтык түрдө анын буюртмаларын чектейт (мисалы, 1 саатка, 1 күнгө, 1 жумага ж.б.).

Эгер такси унаасы жол кырсыгына кабылса, система дароо техникалык колдоо кызматына билдирет. Кызмат өкүлдөрү айдоочу жана жүргүнчү менен байланышып, абалды текшерип, зарыл чараларды көрөт. Тиркемеде жүргүнчүлөр үчүн да коопсуздук боюнча кызматтарга (мисалы, ИИМ) байланышуу мүмкүнчүлүгү каралган. Бул чаралардын баары жүргүнчүлөрдүн жана айдоочулардын коопсуздугун камсыздоо максатында иштелип чыккан.

Такси акысынын Яндекске берилчү бөлүгү Бишкек шаарында эконом тарифте 16%, жогорку тарифтерде 17% түзөт. Бул суммага салыктар, тиркемени иштеп чыгуу жана башка административдик чыгымдар кирет.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”