Алматы – Каракол авиакаттамы жакында ишке кирет
2025-жылдын 5-декабрынан тарта Asman Airlines авиакомпаниясы Алматыдан “Каракол” эл аралык аэропортуна түз авиарейстерди ишке киргизерин “Кыргызстан аэропорттору” ААКсы билдирди.
Маалыматта белгиленгендей, учуулар аптасына 2 жолу, жума жана жекшемби күндөрү саат 11:35да Алматыга, 12:35те кайра Караколго жүргүзүлөт. Билет баасы 6500 сом.
“Бул багыттагы авиарестерди калыбына келтирүү аймактык жүк ташууларды өнүктүрүүнүн маанилүү этабы болот. Алматы жана Каракол аба байланышы буга чейин 2010-жылдары болгон, бирок, 1970-жылдардан бери туруктуу каттамдар болгон эмес”,-делет маалыматта.
Маршруттун негизги артыкчылыктары:
-Түз рейс – 35 мүнөттө тез жана ыңгайлуу сапар кылуу;
- Жумасына эки жолу учуу – эс алууну кыска сапардан толук эмгек өргүүсүнө чейин пландоонун ийкемдүүлүгүн камсыздайт.
Жаңы рейс активдүү эс алууну сүйүүчүлөр үчүн, айрыкча Караколду аймактагы эң популярдуу тоо лыжасы катары тандап алган Казакстан жарандары үчүн ылайыкталган.
