Россияга Кыргызстандан 1,5 миңге жакын жүктүү унаа киргизилди
Владимир Путин Кыргызстан менен Казакстандан ЕАЭБ маркировкасы жок товарларды убактылуу киргизүүгө уруксат бергенден кийин Россияга 1,5 миң жүктүү унаа киргенин Федералдык бажы кызматы билдирди.
“Россияга көрсөтүлгөн эрежени сактоо менен товар киргизүү бажы ишмердүүлүгү жаатындагы милдеттемелерди жана Россия мыйзамдарына ылайык товарларды маркировкалоо боюнча милдеттемелерди сактабаганга жатпайт. Мындай схема менен 12-ноябрда 1 миң 491 унаа кирген”,-делет маалыматта.
Жарлыкка ылайык, эгер товарды алуучу россиялык юридикалык жак болсо жана жеткирүүчүдө кабыл алуучудан Россия бажы органына жазылган товарды бажы мыйзамына ылайык декларация кылуу милдеттемеси жөнүндө кат түрүндөгү билдирүүсү болсо маркировкасы жок товар өлкөгө киргизилет.
Эске салсак, ЕАЭБ бардык мамлекеттер кошумча процедураларсыз мындай продукциялардын ЕАЭБ территориясындагы кыймылын, пайда болушун жана өзгөчөлүгүн көзөмөлдөй ала турган товарларды маркировкалоо боюнча пилоттук долбоорун тесттен өткөргөн.
Сентябрда Россия өкмөтүнүн төрагасынын орун басары Михаил Мишустин аталган система ЕАЭБ аймагында толук масштабдуу ишке киргизилүүгө даяр экенин билдирген.
