Кытай-Кыргызстан-Өзбекстан темир жолу 4 жылда курулуп бүтүшү ыктымал
Курулуш иштери баштапкы графиктен ылдамыраак жүрүп жаткандыктан Кытай-Кыргызстан-Өзбекстан темир жолу эки жыл эрте курулушу мүмкүн экенин “Өзбекстан темир жолдору” компаниясынын жетекчисинин биринчи орун басары Хикматулла Рахметов билдирди.
Буга улай ал маршруттун ишке киришинин пайдасына токтолду. “Биринчиден, бул Кытай менен Европанын аралыгын кыскартат жана КЭР менен Борбор Азия өлкөлөрү, Кавказ ортосундагы маршрут мурдагыга салыштырмалуу миң километрге кыскарат. Бул биздин тездик менен өнүгүп жаткан экономикабызга түздөн-түз таасир этет”,-дейт ал.
Өзбекстан транспорт министри Илхом Махкамов бул темир жол Борбор жана Түштүк Азияны бириктирген эң кыска машрутту камсыз кыларын, а келечектүү Трансафгандык коридор Өзбекстан менен Борбор Азия мамлекеттерин Пакистан порту аркылуу Индия океанына чыгууга шарт түзөрүн жана бул мүмкүнчүлүк аймактын транзиттик потенциалын жогорулатарын билдирген.
Анын айтымында, бул эки багыт “КЭРден Европага үзгүлтүксүз мультимодалдык маршурутту түзүү менен” Транскаспийлик транспорттук коридордун негизги бөлүгү болот.
Эске салсак, 2024-жылдын 27-декабрында Жалал-Абадда “Кытай – Кыргызстан – Өзбекстан” темир жолунун курулушу башталган.
