Россия чек арасында 4 миңдей жеңил унаа ташуучу унаалар токтоп турат
Россия чек арасында Кыргызстан, Казакстандан барган чет өлкөлүк үлгүдөгү автоунааларды жүктөгөн 4 миң жүк ташуучу унаа токтоп турганын “Коммерсант” гезити жазды.
Россияга импорттолгон машиналардын көбү Кытай, Казакстан жана Кыргызстан чек аралары аркылуу өтөт. Эң оор кырдаал Кытайдан келген унаалардын Казакстан чек арасында топтолушу. Учурда Казакстан чек ара көзөмөл пункттарында 9 миңге жакын фура бар.
Айрым чек ара участокторунда кырдаалды “акы төлөнүүчү” кезек практикасы курчутуп жатканы айтылат. Эксперттердин айтымында, күтүү убакыты былтыркы жылга салыштырмалуу үч эсеге өскөн.
Россиянын Федералдык бажы кызматы октябрь айынын аягындагы байкалган жогорку чыңалуулар аяктап, өткөрмө пункттары штаттык режимде иштей баштаганын билдирген.
Ведомствонун билдиришинче, ноябрь айынын башынан тарта Приморск крайынын автомобилдик өткөрмө пункттары аркылуу 1 миң 7 автоунаа ташуучу унаа(5 миң 528 автомобиль) кирген. Бул өткөн жылга салыштырмалуу 4 эсе көп.
ФБК транспорттук каражаттарды тез өткөрүүгө бардык күч аракеттерди жүргүзүп жатканын билдирген.
