Ат-Башы менен Казыбек айылдарынын ортосунда күн чырактары орнотулду
Ат-Башы районунун Ат-Башы жана Казыбек айылдарында электр энергиясын үнөмдөө максатында жаңы күн чырактары орнотулганын Нарын электр тармактар ишканасы “Кабар” агенттигине билдирген.
Бул чырактар күндүз күн нурунан кубат алып, кечинде өз алдынча иштеп, таң атканга чейин көчөлөрдү жарык кылат.
Казыбек айылына орнотулган 200 күн чыракты кадимки электр лампалары менен алмаштырса жылына 233 миң кВт/саат электр энергиясы кетмек. Муну акчага айлантканда дээрлик 1 млн сом болот.
Ал эми күн чырактарына бир гана жолу – 2 млн 50 миң сомдун тегерегиндеги каражат жумшалып, алдыдагы 10 жылдык электр чыгымы үнөмдөлгөн.
Мындай күн чырактарын орнотуу азыркы тапта Кочкор районунда да уланып жатканы айтылат аталган ишкананын маалыматында.
