Ашууларда жол тейлөө кызматтары күчөтүлгөн тартипте иштеп жатат
Бүгүн, 8-декабрга карата өлкөнүн ашууларында жол ачык жана каттамдар үзгүлтүксүз жүрүүдө.
"Кыргызавтожол" мамлекеттик ишканасынын маалыматына ылайык, Жол тейлөө ишканалары өздөрүнө бөлүнгөн аймактарды толук көзөмөлдөп, жолдорду тазалоо жана инерттик материалдарды чачуу иштери жүргүзүлүүдө.
Бишкек – Ош унаа жолундагы Төө-Ашуу ашуусунда кар жаап жатат, жол ачык, каттам үзгүлтүксүз жүрүүдө.
Ал эми Барскоон – Ак-Шыйрак унаа жолунун Сөөк ашуусунду күн бүркөк, жол ачык, Каракол – Эңилчек, Өтмөк ашуусунда кар жаап жатат, жол ачык, каттам бар.
Ошондой эле Бишкек – Нарын – Торугарт жолунун Долон ашуусунда кар жаап жатат, Кызыл-Бел, Чар, Ак-Бейит, Түз-Бел, Кубакы ашуулары жана Боом капчыгайларында күн ала булут, каттам үзгүлтүксүз жүрүүдө.
