Аба ырайына байланыштуу айрым ашууларда чектөөлөр сакталууда

Аба ырайына байланыштуу айрым ашууларда чектөөлөр сакталууда

Бүгүн, 22-декабрь саат 09:30га карата өлкөнүн көпчүлүк ашууларында жол ачык. Бирок айрым унаа жолдорунда аба ырайына жана кар көчкү коркунучуна байланыштуу убактылуу чектөөлөр сакталууда. Бул тууралуу Транспорт жана коммуникациялар министрлигинин маалымат кызматынан билдиришти.

Бишкек-Ош унаа жолундагы Ала-Бел ашуусунда оор жүк ташуучу унаалар үчүн киргизилген чектөө бүгүн, 22-декабрь саат 08:40та алынды.

Ошол эле учурда, Каракол-Эӊилчек унаа жолунун 38–112-чакырымдар аралыгында 19-декабрдан 22-декабрга чейин бардык унаалар үчүн убактылуу чектөө күчүндө калууда. Чечим кар көчкү түшүү коркунучуна байланыштуу кабыл алынган. Мындан тышкары, Казарман-Акталчат жолундагы Кара-Гөө ашуусу аба ырайы турукташканга чейин убактылуу жабык.

Учурда өлкө аймагында кар жаап, жолдорду тазалоо жана кум-туз аралашмасын чачуу иштери тынымсыз жүргүзүлүүдө. Транспорт жана коммуникациялар министрлиги айдоочуларды кышкы дөңгөлөктөрдү колдонууга жана жол эрежелерин так сактоого чакырат.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

Ош шаарындагы Абдыкадыров көчөсүнө 70 түп сирень отургузулду

Таласта таштанды башкаруу системасын жакшыртуу боюнча иштер жүргүзүлүүдө

Өзбекстанда канча кыргыз жашайт?

Кызыл-Кыядагы курулуш боюнча 200 миң сом айып пул салынды

Жеңиш чокусунда калган Наталия: Аварияга учураган тик учактын чыгымы төлөндү