Токтогул районунда Нарын дарыясына 210 метрлик көпүрө курулат

Токтогул районунда Нарын дарыясына 210 метрлик көпүрө курулат

Жогорку Кеңештин өнөр жай саясаты, транспорт, отун-энергетика комплекси, архитектура жана курулуш боюнча комитети Министрлер кабинети менен Япония өкмөтүнүн ортосунда алмашуу ноталарынын долбоорун, ошондой эле МинКаб менен JICAнын ортосундагы "Транскаспий эл аралык транспорт коридору менен байланыштуулукту жакшыртуу максатында Бишкек–Ош автожолунда Нарын дарыясы аркылуу өтүүчү көпүрөнү реконструкциялоо" долбоору боюнча гранттык макулдашуунун долбоорун жактырды.

Транспорт министринин орун басары Бекназар Базаралиевдин айтымында, долбоордун алкагында Нарын дарыясы аркылуу узундугу 210 метр болгон заманбап көпүрө куруу каралган. Бул Бишкек — Ош автожолунда транспорттук байланыштарды абдан жакшыртып, унаалардын үзгүлтүксүз жүрүшүн камсыз кылат.

Анын маалыматына караганда, көпүрө Жалал-Абад облусунун Токтогул районунда, Бишкек–Ош автожолунун 315-чакырымында курулат.
Ошондой эле Япония өкмөтү 3 млрд 190 млн иенге чейинки өлчөмдө грант бөлүп берери белгилүү болду. Бул сумма 20,4 млн долларды түзөт.

Долбоор ошондой эле Министрлер кабинети тарабынан республикалык бюджеттен 113,2 миң доллар өлчөмүндө кошкаржылоону карайт.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

Ош шаарындагы Абдыкадыров көчөсүнө 70 түп сирень отургузулду

Таласта таштанды башкаруу системасын жакшыртуу боюнча иштер жүргүзүлүүдө

Өзбекстанда канча кыргыз жашайт?

Кызыл-Кыядагы курулуш боюнча 200 миң сом айып пул салынды

Жеңиш чокусунда калган Наталия: Аварияга учураган тик учактын чыгымы төлөндү