Жаңы жылдан тарта автобустар накталай эмес төлөмгө өтөт
2026-жылы Бишкек шаарындагы муниципалдык коомдук транспорт толугу менен накталай эмес төлөмгө өтөрүн "Биринчи радио" эфиринде "Бишкек шаардык транспорт" муниципалдык ишканасынын директору Талантбек Капаров билдирди.
Анын айтымында, учурда төлөмдөрдүн 80%ы накталай эмес формада жүргүзүлүп, 20%ы накталай акча аркылуу төлөнүүдө. Бирок келерки жылы накталай төлөмдөрдөн толук баш тартуу пландалып жатат.
Мындан тышкары, 2026-жылы ишкана кыймыл интервалдарын, автобустардын каттамга чыгышын жана айдоочулардын абалын көзөмөлдөө үчүн электрондук диспетчерлештирүү системасын киргизет.
Талантбек Капаров автопаркты жаңылоонун алкагында АТРдин негизинде кошулган райондор үчүн дагы 300 автобус сатып алуу пландалып жатканын билдирди. Бул автобустар 2026-жылдын экинчи чейрегинде каттамдарга чыгат.
Учурда ишкананын балансында 1 523 автобус бар, алардын ичинен күн сайын 1 200дөн ашуун автобус 73 каттам боюнча каттамга чыгууда.
Ошондой эле пландарда:
- өзүнчө тариф менен экспресс-автобустарды ишке киргизүү,
- жеке ташуучулардын ордуна электромобилдердин негизинде муниципалдык такси түзүү каралган.
