Төө-Ашууда оор жүк ташуучу унааларга убактылуу чектөө киргизилди
Бүгүн, 24-декабрда саат 13:00дөн тартып, Төө-Ашуу ашуусунда кар жаап жаткандыгына байланыштуу Сосновка постунан оор жүк ташуучу унаалардын кыймылына убактылуу чектөө киргизилди. Бул тууралуу Транспорт жана коммуникациялар министрлигинин маалымат кызматынан билдиришти.
Жол коопсуздугун камсыз кылуу максатында №9 Жол тейлөө ишканасы тарабынан кар тазалоо жана инерттик материалдарды себүү иштери жүргүзүлүүдө.
Министрлик айдоочулардан тоолуу аймактар жана ашуулар аркылуу жол тартууда унаа дөңгөлөктөрүн кышкысына алмаштырып, керектүү шаймандарды ала жүрүүңүздөрдү өтүнөбүз.
Күндүн негизги жаңылыктары — Telegram каналыбызда
Каналга катталуу