Балыкчы – Бөкөнбаев – Каракол жолунун курулушун УКМК көзөмөлдөйт
Балыкчы – Бөкөнбаев – Каракол жолунун курулушун УКМК көзөмөлдөрүн УКМК төрагасы Камчыбек Ташиев аталган жолдун курулушу менен таанышып жатып билдирди. Төраганын айтымында курулуш иши дээрлик 5 жылга созулуп кеткен.
"Биз бийликке келген 2020-жылдын декабрь айынан тарта бул маселе көтөрүлө баштаган. Бирок, беш жылдан бери айта берип, улам тапшырмалар жаңылана берип, бир да маселе чечилген жок. Президент өзү мага ушул бул жолду көзөмөлдөө тапшырмасын коюп, жөнөттү. Бүгүндөн тарта бул курулуп жаткан жолду жеке көзөмөлүмө алдым. Демек, бул иш УКМК кызматкерлерине тиешелүү болот.
Президент бир нече жолу тапшырмаларды койду. Андан бери 3-4 жолу транспорт министри алмашып кетти. Акчалар бөлүнүп, кошулуп берилди.
Биринчи жылдары бир чакырым жолду 800 долларга жасайбыз дегенсиңер. Ал бүгүнкү күндө 1400 долларга чыкты. Макул деп көтөрүп бердик. Дагы деле жасап бүтпөй жатасыңар. Силерге эмне керектигин түшүнбөй жатам.
Демек, бул жерде уюштуруучулук, аткаруучулук иштер жана мамлекет тарабынан көзөмөлдөө иштери начар болуп жатат. Жол жаңыдан салынып жаткан жок. 141 чакырым жолду кеңейтүү, стандартка шайкеш келтирүү тапшырмасы гана коюлган. Аны да аткара алган жоксуңар",-деди К.Ташиев.
Буга улай УКМК төрагасы бул иш боюнча катаал чара көрүү тапышрымасын бергенин кошумчалады.
