А.Касымалиев Айыл чарба министрлигине 44 кызматтык унаа тапшырды

А.Касымалиев Айыл чарба министрлигине 44 кызматтык унаа тапшырды

МинКаб төрагасы Адылбек Касымалиев Айыл чарба министрлигине 44 кызматтык автоунаа тапшырды. Министрлер кабинетинен билдиришкендей, автотранспорт каражаттарынын жалпы баасы 92,6 миллион сомду түзгөн. Унаалар мамлекеттик каражаттардын эсебинен сатып алынып, министрликтин алдындагы Суу ресурстары кызматына жана Балык чарба департаментине өткөрүлүп берилди.

Салтанаттуу иш-чарада Адылбек Касымалиев агрардык тармак экономиканын реалдуу секторунда өзгөчө мааниге ээ болуп, анын негизги кыймылдаткыч күчү экенин белгиледи. Анын айтымында, айыл чарбасы өнөр жайдын жана кайра иштетүү тармагынын өнүгүшүн камсыздайт.

"Кыргызстанда сезондук жана жыл бою иштеген кайра иштетүүчү ишканалардын саны 425ке жетти. Президенттин тапшырмасынын негизинде жыл сайын жүздөгөн ишканалар ачылууда. Бул жылы 119 өндүрүш ишканасы ишке киргизилди, алардын жарымынан көбү айыл чарба жана кайра иштетүү тармактарына тиешелүү", — деп белгиледи министрлер кабинетинин төрагасы.

Ошондой эле ал ирригация тармагын модернизациялоого өзгөчө көңүл бурулуп жатканын айтты. Эгерде 2024-жылы бул максаттарга 1 миллиард сом бөлүнсө, 2025-жылдын 11 айында каржылоо көлөмү 1,7 миллиард сомго жеткен. Учурда каналдарды тазалоо, куруу, бетон менен каптоо жана бекемдөө, ошондой эле суткалык жана декадалык жөнгө салуучу бассейндерди куруу иштери жүргүзүлүп жатат.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

Ош шаарындагы Абдыкадыров көчөсүнө 70 түп сирень отургузулду

Таласта таштанды башкаруу системасын жакшыртуу боюнча иштер жүргүзүлүүдө

Өзбекстанда канча кыргыз жашайт?

Кызыл-Кыядагы курулуш боюнча 200 миң сом айып пул салынды

Жеңиш чокусунда калган Наталия: Аварияга учураган тик учактын чыгымы төлөндү