Казакстан 2036-жылга чейин ири учактарды ЕАЭБге бажы салыгысыз киргизүүнү сунуштады
Казакстан ЕАЭБде жүргүнчү учактарын бажысыз киргизүү мөөнөтүн 2036-жылга чейин узартууну сунуштаганы Евразия экономикалык комиссиясынын сайтына жарыяланды.
Эске салсак, мындай бажысыз киргизүү 2031-жылдын аягында аяктайт. Бажы өлчөмү бажылык баанын 7,5%дан 12,5%га чейин болот.
ЕЭКтин билдирүүсү боюнча, жеңилдикти узартуу тууралуу сунуш авиакомпанияларга заманбап жана коопсуз аба кемелерин сатып алуу үчүн жакшы шарттарды түзүү жана маршруттук тармакты өнүктүрүү максатында берилген.
Бул жерде сөз бажылык эки Тышкы экономикалык ишмердүүлүктүн товардык номенклатурасы (ТН ВЭД) коддору менен квалификацияланган учактар тууралуу болуп жатат:
- 8802 40 003 5 – жүгү жок турганда салмагы 20 тоннадан ашык, бирок 90 тоннадан ашпаган, кенен фюзеляждуу, эки өткөөл жолдуу, узак аралыкка учуучу жүргүнчү учактары;
- 8802 40 003 6 – башка учактар, жүгү жок турганда салмагы 20 тоннадан ашык, бирок 90 тоннадан ашпаган.
20-90 тоннадагы салмакка бардык заманбап узун корпустуу жана орто узундуктагы учактар кирет, анын ичинде Airbus A320 family жана Boeing 737 MAX сыяктуу моделдер.
Бирок, көпчүлүк кең фюзеляждуу учактардын салмагы 90 тоннадан ашып кетет (мисалы, Airbus A330-300, Airbus A380, Boeing 777-300ER, Boeing 787-9 Dreamliner ж.б.).
