Ашууларда жол кыймылына чектөө жок
Бүгүнкү күнгө карата республиканын негизги ашууларында жол кыймылына эч кандай чектөө киргизилген жок. Бул тууралуу Транспорт жана коммуникациялар министрлигинин басма сөз кызматынан билдиришти.
Бишкек–Ош унаа жолунун Төө-Ашуу ашуусунда күн бүркөк болуп, каттам үзгүлтүксүз жүрүүдө. Барскоон–Ак-Шыйрак унаа жолундагы Сөөк ашуусунда, ошондой эле Каракол–Эңилчек жолундагы Чоң-Ашуу ашуусунда жол ачык.
Бишкек–Нарын–Торугарт унаа жолундагы Долон, Чар, Ак-Бейит, Кубакы ашуулары жана Боом капчыгайында да жол кыймылы үзгүлтүксүз жүргүзүлүүдө. Мындан тышкары, Суусамыр–Талас–Тараз унаа жолундагы Өтмөк ашуусунда каттам бар.
Жол тейлөө кызматкерлери тарабынан бардык унаа жолдордо жана ашууларда жол коопсуздугун камсыз кылуу боюнча иштер күн сайын жүргүзүлүүдө.
Айдоочуларга кышкы жол шарттарын эске алып, унааларды кышка ылайык даярдоо, кышкы дөңгөлөктөрдү колдонуу жана жол кыймылынын эрежелерин так сактоо сунушталат.
