Былтыр “Кыргыз темир жолу” 420 миңден ашык жүргүнчү ташыган

Былтыр “Кыргыз темир жолу” 420 миңден ашык жүргүнчү ташыган

“Кыргыз темир жолу” ишканасы өткөн жылы 420 миңден ашык жүргүнчүнү ташыганын билдирди.

Ишкана өлкө ичинде Бишкек-Токмок, Бишкек-Кайыңды жана жайкысын Бишкек-Балыкчы багыттарында, ошондой эле өлкө чегинен тышкары Бишкек-Казань жана Бишкек-Москва багыттарында туруктуу каттамдарды камсыз кылууда.

2025-жылы Токмок жана Кара-Балтадан Бишкекке күн сайын жумушка келген жарандардын ыңгайын эске алуу менен поезддердин кыймыл графиги жаңыртылып, өз убагында жетүүгө мүмкүнчүлүк түзүлдү. Жалпысынан өткөн жылы 420 миңден ашык жүргүнчү ташылды.

Бишкек-Балыкчы багытында эки жогорку комфорттуу ВИП-вагон пайдаланууга берилди. Мындан тышкары, ишкана алты вагонду модернизациялап, өздүк вагон-генераторун иштеп чыкты.

Туризмди өнүктүрүү максатында Балыкчынын борбордук пляжына жетүүчү 6 км темир жол тилкеси капиталдык оңдодон өткөрүлдү. Ошондой эле 10 жуп туристтик поезд уюштурулуп, Бишкек-2 жана Балыкчы бекеттеринде туристтерди салтанаттуу тосуп алуу уюштурулду.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

Ош шаарындагы Абдыкадыров көчөсүнө 70 түп сирень отургузулду

Таласта таштанды башкаруу системасын жакшыртуу боюнча иштер жүргүзүлүүдө

Өзбекстанда канча кыргыз жашайт?

Кызыл-Кыядагы курулуш боюнча 200 миң сом айып пул салынды

Жеңиш чокусунда калган Наталия: Аварияга учураган тик учактын чыгымы төлөндү