Транспорт

Эски үлгүдөгү айдоочулук күбөлүктөр качанкыга чейин жарактуу болот?

Ишкер Media

16 янв. 2026 16:00

Президент администрациясынын маалыматтык саясат кызматынын жетекчиси Дайырбек Орунбеков эски үлгүдөгү айдоочулук күбөлүктөрдү алмаштыруу маселеси боюнча түшүндүрмө берди.

Анын айтымында, эски айдоочулук күбөлүктөрдү акысыз алмаштырууга бир айлык мөөнөт белгиленген. Бирок бардык жарандар белгиленген убакытта үлгүрбөй калса, аларга кошумча убакыт берилет.

Дайырбек Орунбеков белгилегендей, алмаштыруунун зарылдыгы бир нече себептер менен түшүндүрүлөт. Биринчиден, эски үлгүдөгү айдоочулук күбөлүктөрдү жасалма чыгаруу фактылары катталган жана андай аракеттер бүгүнкү күндө да өлкөдө, чет өлкөлөрдө катталып келет. Көптөгөн документтердин сүрөттөрү жана жазуулары өчүп кеткен.

Экинчиден, мындай айдоочулук күбөлүктөрдү айрым чет өлкөлөр тааныбайт. Жаңы үлгүдөгү айдоочулук күбөлүктөр бир нече мамлекеттерде таанылат. Алар толугу менен санариптештирилгендиктен жасалма чыгаруу мүмкүнчүлүгү толугу менен жокко чыгат.

Алмаштыруу процесси толук аяктагандан кийин, эски үлгүдөгү бардык айдоочулук күбөлүктөр жараксыз деп табылат.

Айдоочулук күбөлүктөрү "Түндүк" тутумунда көрүнбөгөн жарандар тиешелүү мамлекеттик органдарга жеке өзү кайрылуусу керек. Ал эми маалыматы система аркылуу бар жарандарга айдоочулук күбөлүктү онлайн форматта алмаштыруу мүмкүнчүлүгү берилген.

Мындан тышкары окуңуз

Бажы кызматынан мамлекеттик бюджетке 518, 5 млн сом түштү

Министрлер Кабинетине караштуу Мамлекеттик бажы кызматында укук коргоо бөлүмдөрүнүн 2026-жылдын 1-чейреги боюнча жыйынтыгы чыгарылды. Бул тууралуу бажы кызматынын басма сөз кызматы билдирди. Маалыматка караганда, отчеттук мезгилде контрабандага каршы күрөшүү бөлүмдөрү тарабынан бажы мыйзамдары чөйрөсүндө 4 861 укук бузуу жана кылмыш фактысы аныкталды. 4 718 укук бузуу иши козголуп, алардын жыйынтыгы

Паспорт жана башка документтер 34%га кымбаттадыбы?

Депутат Дастан Бекешев мамлекеттик документтерге, түрдүү маалымкат кагаздарга баа көтөрүлгөнүн парламент жыйынында сүйлөп жатып айтты. Бекешев Министрлер Кабинетинин тѳрагасы демилгелеген “Баа түзүү жөнүндө” мыйзамга өзгөртүүлөрдү киргизүү тууралуу” мыйзам долбоору каралып жатканда мамлекеттик кызмат көрсөтүү акысы эселеп өскөнүн айтты: "Түрдүү маалымкаттар, өзүбүз басып чыгарып жаткан паспорт жана башка бардык документтер

Кыргызстандагы жыл башынан берки интервенция 893 млн долларды түздү

Жыл башынан бери валюталык интервенциялардын көлөмү 893,45 млн долларды түзгөнүн маалымат жыйынында Улуттук банктын төрагасынын орун басары Азат Козубеков билдирди. "Абсолюттук көрсөткүчтө бул сумма мурунку жылдарга караганда жогору. Бирок Кыргыз Республикасынын экономикасы акыркы 4 жылда жылына туруктуу түрдө 10% өсүп жатат. Реалдуу сектордогу жүгүртүүнүн олуттуу көбөйүшү тышкы соода

Кыргызстандын эл аралык камдары 9 млрд доллардан ашты

2026-жылдын 22-апрелине карата өлкөнүн эл аралык камдарынын көлөмү 9 млрд доллардан ашты. Бул тууралуу КРнын Улуттук банкынын төрагасынын орун басары Азат Козубековдун айтымында, жыл башынан бери эл аралык резервдер 4,7%га көбөйгөн. Бул көрсөткүч өлкөнүн тышкы экономикалык туруктуулугун бекемдөөдө маанилүү ролду ойнойт. Ал эми Улуттук банктын бардык жүргүзүп жаткан