Бир аптада мөөнөтсүз айдоочулук күбөлүктү алмаштырууга 80 миңдей арыз түштү

Бир аптада мөөнөтсүз айдоочулук күбөлүктү алмаштырууга 80 миңдей арыз түштү

Президенттин Иш башкармалыгынын башчысы Каныбек Туманбаев Транспорт каражаттарын жана айдоочулук курамды каттоо боюнча мамлекеттик борбордо күтүүсүз текшерүү жүргүздү. Текшерүүдө көрсөтүлүп жаткан кызматтардын уюштурулушу жана коопсуздук талаптары каралды.

Туманбаев белгилегендей, эски үлгүдөгү мөөнөтсүз айдоочулук күбөлүктөрдө жарандардын 20–30 жыл мурдагы сүрөттөрү колдонулуп, жеке адамды так аныктоо кыйын болуп жатат. Ошондой эле мындай документтерде коргоо элементтери жетишсиз, оңой жасалмаланып, коопсуздукка коркунуч жаратарын кошумчалады. Эски күбөлүктөр чет өлкөлөрдө мыйзамдуу документ катары таанылбайт.

Бул маселени чечүү максатында Туманбаев айдоочулук күбөлүктөрдү берүү жана транспортту каттоо иштерин санариптештирүү, санарип кызматтарды кеңейтүү жана маалымат базасын толук жаңылоо боюнча тапшырмалар берди.

Маалыматка ылайык, 15–21-январь аралыгында мөөнөтсүз айдоочулук күбөлүктөрдү алмаштыруу боюнча жалпы 78 959 арыз катталган: онлайн форматта — 46 431, офлайн форматта — 32 528 арыз. Бул көрсөткүч жарандардын документти алмаштырууга кызыгуусу жогору экенин көрсөттү.
Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

Ош шаарындагы Абдыкадыров көчөсүнө 70 түп сирень отургузулду

Таласта таштанды башкаруу системасын жакшыртуу боюнча иштер жүргүзүлүүдө

Өзбекстанда канча кыргыз жашайт?

Кызыл-Кыядагы курулуш боюнча 200 миң сом айып пул салынды

Жеңиш чокусунда калган Наталия: Аварияга учураган тик учактын чыгымы төлөндү