Транспорт

Февралдын ортосунан баштап мамлекет көзөмөлдөгөн автомектептер гана иштейт

Ишкер Media

27 янв. 2026 11:39

Кыргызстанда айдоочуларды даярдоо жана айдоочулук күбөлүк берүү системасы толугу менен реформаланат. Бул тууралуу Президенттин иш башкаруучусу Каныбек Туманбаев социалдык тармактагы билдирүүсүндө айтты.

Анын айтымында, акыркы жылдары жол кырсыктары көбөйүп, адам өлүмү арткан. Бул көрүнүш айдоочуларды даярдоодо көп жылдар бою көз жумуп келген системанын натыйжасы болуп саналат. Айрым жеке автомектептерде айдоочулук күбөлүктөр сатылып келгенин да ачык моюнга алуу керектигин белгиледи.

"Айдоочулук — бул жөн гана рул кармоо эмес, бул чоң жоопкерчилик. Биз рулга отурганда өз өмүрүбүз үчүн гана эмес, жолдогу ар бир адам үчүн жооп беребиз", — деди ал.

Каныбек Туманбаев жеке автомектептердин айрым өкүлдөрү лицензиялары алынганына нааразы болуп жатканын, бирок реформалар тууралуу аларга алдын ала эскертилгенин билдирди. Анын айтымында, бардык автомектептер "Ынтымак Ордого" чакырылып, өзгөрүүлөр боюнча аларга так маалымат берилген.

Мамлекет бул реформаларды кимдир бирөөгө каршы эмес, адам өмүрүн сактоо максатында жүргүзүп жатканын белгиледи. Татыктуу жана тажрыйбалуу автомектептердин мугалимдери мамлекеттик окутуу системасына тартылары айтылды.

Маалыматка ылайык, 2026-жылдын февраль айынын ортосунан тартып, жаңы бекитилген окуу стандартына ылайык иштеген, мамлекет көзөмөлдөгөн автомектептер гана курсанттарды окутууга укуктуу болот.

Мындан тышкары окуңуз

Кыргызстан менен Грузия салыктык башкаруу жаатында тажрыйба алмашат

Мамлекеттик салык кызматынын төрагасы Алмамбет Шыкмаматов Грузиянын жергиликтүү салык органынын ишмердүүлүгү менен таанышып, эки өлкөнүн салык системалары ортосундагы кызматташууну кеңейтүүгө багытталган бир катар жолугушууларды өткөрдү. Маалыматка ылайык, иш сапардын жүрүшүндө ал Грузиянын Каржы министрлигине караштуу Кирешелер кызматынын жетекчиси Михаил Маглакелидзе менен жолугушуп, салыктык жана бажылык башкарууну өркүндөтүү, санариптик кызматтарды жакшыртуу

Жалал-Абаддык окуучу кыз Түндүк уюлга эл аралык экспедицияга катышат

Жалал-Абад облусунун Майлуу-Суу шаарындагы №54 мектептин 8-классынын окуучусу Мээрим Турдумахаматова “Росатомдун” - “Билимдин муз жаргычы” эл аралык илимий-билим берүү долбоорунун жеңүүчүсү болуп таанылды. “Билимдин муз жаргычы” илимий-агартуучу долбооруна катышуучуларды тандоо 5-майда башталып, үч этап менен өттү. Ага Армения, Бангладеш, Беларусия, Боливия, Бразилия, Венгрия, Вьетнам, Египет,

Нурлан Мотуев каза болду

Саясатчы, коомдук ишмер, Нурлан Мотуев каза болду. Бул тууралуу анын жакындары билдиришти. Маалыматка ылайык, акыркы күндөрү Нурлан Мотуев катуу ооруп жүргөндүгү кабарланган. Мотуев 2005-жылдагы бийлик алмашуу окуяларына жигердүү катышып, ошондон тарта саясатта өзүнүн оюн ачык билдирип келген. Нурлан Мотуев 1969-жылы Нарын облусунун Жумгал районунун Чаек айылында туулган. Кыргызстандын

Өзбекстандын жарандары Кыргызстанда 60 күн визасыз жүрө алышат

Өзбекстандын жарандары Кыргызстанда визасыз 60 күнгө чейин жүрө алышат. Бул тууралуу “Кызмат” мамлекеттик мекемеси билдирди. Маалыматка ылайык, өзбекстандыктар келген соң жашаган жери боюнча каттоого турууга милдеттүү. Каттоону онлайн же Калкты тейлөө борборлору аркылуу ишке ашырууга болот. “Эгерде 60 күндөн ашык калуу пландалса, виза алып, каттоону узартуу зарыл”, – деп белгилешти мекемеден.