Акыркы 5 жылда өлкөдө 3 683 км жол асфальтталды
Акыркы беш жыл аралыгында өлкөдө жол-транспорт тармагына бөлүнгөн каражаттар көбөйүп, ири инфраструктуралык долбоорлор ишке ашырылып жатканын Транспорт жана коммуникациялар министрлигинен билдиришти.
Натыйжада асфальтталган жолдордун көлөмү жыл сайын туруктуу өсүүдө.
Асфальтталган жолдордун узундугу:
- 2021-жылы — 175 км;
- 2022-жылы — 488,4 км;
- 2023-жылы — 673,8 км;
- 2024-жылы — 802 км;
- 2025-жылы — 1545 км.
Мындан тышкары, жол-транспорт тармагын материалдык-техникалык жактан чыңдоо максатында 2022-2024-жылдары республикалык бюджеттин эсебинен 750 даана атайын техника сатылып алынган. Алардын катарына самосвалдар, автогрейдерлер, бульдозерлер, экскаваторлор, битум ташыган унаалар жана башка техникалар кирет.
Алынган техникалар аймактарга бөлүнүп берилүүдө. Бул жол куруу жана оңдоо иштеринин көлөмүн көбөйтүүгө, сапатын жакшыртууга жана иштерди өз мөөнөтүндө аткарууга мүмкүнчүлүк түзүүдө.
