Транспорт министри JICAнын вице-президенти менен кызматташтыкты талкуулады
Бүгүн Транспорт жана коммуникациялар министри Абсаттар Сыргабаев Япониянын эл аралык кызматташтык агенттигинин (JICA) вице-президенти Йошикава Йошифуми менен жолугушту. Бул тууралуу Транспорт жана коммуникациялар министрлигинин маалымат кызматынан билдиришти.
Жолугушууда тараптар Кыргызстан менен JICAнын ортосундагы кызматташтыктын учурдагы абалын жана келечегин талкуулашты. Министр Абсаттар Сыргабаев JICAнын колдоосу менен өлкөдө жол жана транспорт инфраструктурасын өнүктүрүүгө багытталган 30дан ашуун долбоор ийгиликтүү ишке ашырылганын белгиледи.
Ошондой эле ал жол инфраструктурасын жакшыртуу, жол коопсуздугун жогорулатуу жана акылдуу транспорттук системаларды киргизүү багытында JICA менен кызматташууну улантуу зарыл жана пайдалуу экенин баса белгиледи.
Өз кезегинде JICAнын вице-президенти Йошикава Йошифуми эки тараптуу кызматташтык мындан ары да тереңдей турганын айтып, Кыргызстандагы инфраструктуралык долбоорлорду колдоого даяр экенин билдирди.
Жолугушуунун жыйынтыгында тараптар транспорт тармагындагы кызматташтыкты кеңейтүү боюнча биргелешкен иштерди улантууга макулдашты.
