Транспорт

Барскоон-Бедел жолуна 3 жылда 53,4 млрд сом жумшалат

Ишкер Media

31 янв. 2026 10:25

2026-жылга жана 2027–2028-жылдардагы пландуу мезгилге карата республикалык бюджет жөнүндө мыйзамда мамлекеттик инвестициялар боюнча чыгашалар жана капиталдык салымдарды каржылоонун булактары (5-берене) бекитилген.

Документке ылайык, 2026-жылга капиталдык салымдар үчүн 27,68 млрд сом каралган. Анын ичинен 17,68 млрд сом Ысык-Көл облусундагы Барскоон – Бедел унаа жолун курууга багытталат.

Дагы 10 млрд сом 2026-жылга бекитилген тизмеге ылайык социалдык-экономикалык объектилерди, ичүүчү суу менен камсыз кылуу жана ирригация системаларын, унаа жолдорун, улуттук коопсуздук, коомдук тартип, куралдуу күчтөр объектилерин жана стратегиялык маанидеги объектилерди долбоорлоону аяктоого же улантууга, курууга, капиталдык оңдоого жана реконструкциялоого артыкчылык берүү менен бөлүнөт.

Каржылоонун булактарынын катарында мамлекеттик казыналык облигацияларды чыгаруудан түшкөн каражаттар да көрсөтүлгөн. Бул облигациялар коммерциялык банктардагы депозиттик эсептерге жайгаштырылат.

2027–2028-жылдарга карата капиталдык салымдардын пландалган көлөмү тиешелүүлүгүнө жараша 27,86 млрд сом жана 27,9 млрд сом деп белгиленген. Ошол эле учурда Барскоон – Бедел унаа жолун курууга 2027-жылы 17,86 млрд сом, 2028-жылы 17,9 млрд сом каралган.

Мыйзамда ошондой эле стимулдаштыруучу (үлүштүк) гранттарды каржылоо өзүнчө бекитилген. 2026, 2027 жана 2028-жылдардын ар биринде 1,5 млрд сомдон бөлүү каралып, артыкчылык республикалык бюджеттен дотация алган жергиликтүү өз алдынча башкаруу органдарына берилет.

Мындан тышкары окуңуз

Ош облусунда 25 мыйзамсыз объект аныкталды

Курулуш министрлигине караштуу Мамлекеттик архитектура-курулуш контролдоо департаментинин Ош региондук башкармалыгы унаа жолдорунун жээктеринде мыйзамсыз жайгашкан соода жана тейлөө объектилерин аныктоо боюнча текшерүү иштерин жүргүзүүдө. Ведомствонун маалыматына ылайык, текшерүү Кыргыз Республикасынын Президентинин Жарлыгынын негизинде жол боюндагы тейлөө объектилерин мыйзамсыз жайгаштырууга жол бербөө максатында жүргүзүлүүдө. Текшерүүнүн жүрүшүндө Бишкек – Ош жана Өзгөн

Оштогу Курманжан Датка көчөсү эки күнгө жабылат

Жол куруу иштерине байланыштуу 18-19-августта Ош шаарындагы Курманжан Датка көчөсүнүн Аматов көчөсүнөн Джиннах көчөсүнө чейинки бөлүгү унаа кыймылы үчүн убактылуу жабылды. Бул тууралуу Ош шаардык мэриясынан билдиришти. Маалыматка ылайык, аталган тилкеде жолдун асфальттын экинчи катмарын төшөө иштери жүргүзүлөт. Ушуга байланыштуу коомдук транспорттордун, троллейбустардын жана башка унаалардын жүрүүсүнө убактылуу

Быйыл өлкөдө 65 айыл чарба чарба кооперативи түзүлдү

2026-жылы республика боюнча жалпы 683 гектар жер аянты менен 65 айыл чарба кооперативи түзүлүп, айыл чарба өндүрүшүнө ишке кирди. Анын ичинен Баткен облусунда – 4, Нарын облусунда – 6, Чүй облусунда – 10, Ысык-Көл облусунда – 8, Ош облусунда – 17, Жалал-Абад облусунда – 2 жана Талас облусунда 18 кооператив түзүлдү. Айыл чарба

Бишкек – Нарын – Торугарт айланма жолу кеңейтилүүдө

Бишкек – Нарын – Торугарт унаа жолунун 346-чакырымында жаңы айланма жолдун курулуш иштери жүргүзүлүүдө. “Кыргызавтожол-Түндүк” ишканасынын маалыматына ылайык, аталган айланма жол Бишкек, Нарын, Ат-Башы жана Ак-Талаа багытындагы жолдорду байланыштырып, унаа кыймылын иретке келтирүүгө багытталган. Жаңы айланма жол 500 метрге төрт тилкелүү болуп курулууда. Жолдун үстүнкү катмары саббейс материалы