ЕАЭБде транспорттук коридорлорду өнүктүрүү уланып жатат
Евразия экономикалык комиссиясынын (ЕЭК) Кеңеши ЕАЭБ өлкөлөрүнүн евразиялык транспорттук коридорлорго (маршруттарга) кирген темир жол, автожол жана порт инфраструктурасын өнүктүрүү боюнча жүргүзүлгөн чаралардын жыйынтыктарынын жылдык анализинин докладын бекитти.
Комиссиянын энергетика жана инфраструктура министри Арзыбек Кожошевдин айтымында, жүргүзүлгөн анализ "бештиктин" мамлекеттери менен ЕЭК биргеликте евразиялык транспорттук коридорлордун инфраструктурасын өнүктүрүү боюнча системалуу иштерди алып барганын көрсөтөт.
- Арменияда Түндүк — Түштүк автожол коридорунун инвестициялык программасын ишке ашыруусу уланууда.
- Беларусияда бюджеттик каражаттар эсебинен 533 километр автожолго учурдагы ремонт жасалып, М-10 трассасынын айрым участкалары реконструкциядан өтүүдө.
- Казакстанда Достук — Мойынты темир жолунун 836 километр узундуктагы экинчи линиясы ишке киргизилди.
- Кыргызстанда Түп — Кеген автожолу расмий түрдө ачылды.
- Россияда Беларустан Казакстанга чейинки экинчи евразиялык автожол коридорунун маршруту ишке берилди.
Доклад транспорттук саясаттын маанилүү инструменти болуп саналат жана ЕЭК менен мүчө мамлекеттерге транспорттук инфраструктураны өнүктүрүүнү координациялоо үчүн объективдүү негиз берет.
