Жеке автоунаа мектебинин директору 70 объектини менчиктештирип алган
Жеке автоунаа мектептеринин биринин директору мыйзамсыз түрдө 70ке жакын окуу объектисин менчиктештирип алганын Президент Садыр Жапаров жеке автоунаа мектептеринин директорлору жана курсанттары менен болгон жолугушууда билдирди.
Мамлекет башчысынын басма сөз кызматынын маалыматына ылайык, бул объекттердин бир бөлүгү жеке адамдарга өткөрүлүп берилсе, болжол менен 40ка жакыны жеке пайда табуу максатында пайдаланылган.
Садыр Жапаров аталган автоунаа мектептеринин баары мамлекеттин балансына кайтарыларын белгилеп, алардагы окуу процесси бирдиктүү талаптарга ылайык уюштуруларын айтты. Ага ылайык, окутуунун мөөнөтү 10 айды түзөт.
Негизги көңүл айдоочулардын теориялык жана практикалык даярдыгынын сапатын жогорулатууга, ошондой эле келечектеги айдоочуларда жолдо коопсуз жүрүм-турум маданиятын калыптандырууга бурулат.
