Транспорт министрлиги өткөн жылы 1 млрд 167 млн сом киреше тапты

Транспорт министрлиги өткөн жылы  1 млрд 167 млн сом киреше тапты

Транспорт министрлиги 2025-жылдын жыйынтыгын чыгарып, транспорт тармагындагы кирешелердин кескин өскөнүн билдирди.

Ведомствонун маалыматына ылайык, лицензияларды жана уруксат кагаздарын берүүдөн, салмактык параметрлерди өлчөөдөн, габариттен ашкан жүктөрдү ташууга атайын уруксаттарды тариздөөдөн, келтирилген зыянды өндүрүүдөн жана административдик айып пулдардан түшкөн жалпы киреше 1 млрд 167 млн 399 миң сомду түзгөн. Салыштыруу үчүн: 2024-жылы бул көрсөткүч дээрлик үч эсеге аз болуп, 398 млн 886 миң сомду түзгөн.

2025-жылы Кыргызстан 41 мамлекеттен эл аралык автоташуулар үчүн 222 миң 20 уруксат кагазын алган.

Негизги жетишкендиктердин бири катары Азербайжан, Өзбекстан, Түркия жана Кытай менен уруксат кагаздарын алмашуу боюнча E-permit санариптик системасынын киргизилиши белгиленди. Учурда бул процесс толугу менен электрондук форматка өткөрүлүп, кыргызстандык ташуучулардын ишин жеңилдетип, каржылык чыгымдарды азайтты.

Мындан тышкары, ири өлчөмдөгү жана оор жүктөрдү ташууга атайын уруксаттарды электрондук түрдө берүү системасы ишке кирди. Ташуучулар — ата мекендик да, чет өлкөлүк да — арыздарды уюлдук телефон аркылуу берип, уруксаттарды 1–3 сааттын ичинде онлайн форматта ала алышат.

Министрликте белгилешкендей, тармакты санариптештирүү коррупциялык тобокелдиктерди азайтууну улантып, процесстерди ылдамдатууда жана бизнес менен эл аралык логистика үчүн ыңгайлуу шарттарды түзүүдө.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

Өзбекстанда канча кыргыз жашайт?

Кызыл-Кыядагы курулуш боюнча 200 миң сом айып пул салынды

Жеңиш чокусунда калган Наталия: Аварияга учураган тик учактын чыгымы төлөндү

Кыргызстан менен Пакистан товар жүгүртүүнүн көлөмүн көбөйтүү боюнча талкуулашты

Бишкектеги бир катар үйлөрдө жылуулук жана ысык суу өчүрүлдү