Суусамыр – Талас – Тараз жолунда курулуш кызуу жүрүүдө

Суусамыр – Талас – Тараз жолунда курулуш кызуу жүрүүдө

Суусамыр – Талас – Тараз автожолунун IV фазасын реконструкциялоо иштери тынымсыз уланууда. Бул тууралуу Транспорт жана коммуникациялар министрлигинин басма сөз кызматы билдирди.

Учурда жол жээгин тегиздөө жана кеңейтүү, суу түтүктөрүн жылдыруу, бетон электр мамычаларын демонтаждоо, ошондой эле көпүрөлөрдү куруу иштери жүрүп жатат.

Курулушка 147ден ашык атайын техника тартылып, 229 жумушчу иш алып барууда. Мындан тышкары, долбоордун алкагында 2 асфальт-бетон завод, 1 бетон завод жана 2 таш талкалоочу жабдык орнотулуп, ишке киргизилди.

Жалпы узундугу 93 чакырымды түзгөн (104,6–197,6 км) жол тилкеси Талас шаарынан башталып, “Кичи-Капка” көзөмөл пунктуна чейин созулат. Курулуш иштери 2025–2028-жылдар аралыгында аяктайт.

Долбоордо 6 көпүрөнү реконструкциялоо, 1 жер алдынан өтүүчү өтмөк куруу, ошондой эле калктуу конуштарда тротуар жана жарыктандыруу орнотуу каралган. Натыйжада жолдун III техникалык категориясы II категорияга чейин жогорулатылат.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

Ошто 5200 орундуу заманбап спорттук комплекси курулат

Ысык-Көлдө акылдуу эсептегичтерди орнотуу 98 % аяктады

Улуттук банк төлөм уюмуна айып пул салды

Айыл чарба министрлигинде 1000 күндүк планды ишке ашыруу маселелери боюнча кеңешме өттү

Быйыл 10 айда мамлекеттик бюджетке 669,6 миллиард сом киреше түштү