"Кытай–Кыргызстан–Өзбекстан" темир жолунун курулушу активдүү уланууда

"Кытай–Кыргызстан–Өзбекстан" темир жолунун курулушу активдүү уланууда

24-мартта Суу ресурстары, айыл чарба жана кайра иштетүү өнөр жайы министри Эрлист Акунбеков "Кытай–Кыргызстан–Өзбекстан" темир жол долбоорун ишке ашырып жаткан компаниянын өкүлдөрү менен жумушчу жолугушуу өткөрдү. Бул тууралуу ведомстводон билдиришти.

Жолугушууга кыргыз тараптан Транспорт жана коммуникациялар министрлигинин жетекчилиги, "Кыргыз темир жолу" улуттук компаниясынын өкүлдөрү, ошондой эле аталган темир жол долбоорун ишке ашырып жаткан компаниянын өкүлдөрү катышты.

Маалыматка ылайык, учурда темир жол курулушу боюнча негизги долбоордук материалдар даярдалып, чиймелер такталып, тиешелүү макулдашуулар жүргүзүлүүдө. Курулуш аянттарында кеңири масштабдагы иштер башталып, 5 миңден ашуун жумушчу жана 5,6 миңден көп техника тартылган.

Негизги иштер тоннелдерди казууга, жер иштерине жана көпүрөлөрдү курууга багытталган. Бүгүнкү күнгө чейин 3,5 миллион куб метрден ашык жер казуу иштери аткарылган.

Жолугушууда министр Эрлист Акунбеков долбоорду ишке ашырууда коопсуздук жана экологиялык талаптарды так сактоо зарылдыгын белгиледи. Министрлер Кабинети өз кезегинде долбоорду ишке ашырууда бардык зарыл колдоо жана координацияны камсыз кыларын билдирди.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

Бишкекте акча алмаштыруу бюросу жоопкерчиликке тартылды

Бишкек - Кант жолунда жарыктандыруу системасы ишке кирди

Бактияр Алиев Социалдык фонддун ишин журналисттерге тааныштырды

Кыргызстанда Эл аралык валюта фондунун миссиясы ишин баштады

"Кыргызнефтегаз" жаңы газ кенин тапты