2025-жылы Яндекс Кыргызстан 1,25 млрд сомдон ашуун салык төлөгөн
Яндекс Кыргызстан компаниясы 2025-жылы өлкөнүн бюджетине 1,25 млрд сомдон ашуун салык төлөгөн.
Мындан тышкары, 2025-жылдын 1-сентябрынан 31-декабрына чейин, Яндекс Кыргызстан салык агенти катары, Яндекс Go тиркемесиндеги Такси, Жеткирүү жана Тамак-аш сервистеринде жеткирүү буйрутмаларын же жүргүнчүлөрдү ташуу кызматын көрсөткөн айдоочулар менен жеткирүүчүлөр үчүн - 238 миллион сомдон ашык киреше салыгын жана камсыздандыруу төгүмдөрүн кармап, аны өлкөнүн бюджетине которгон.
Айдоочу жана жеткирүүчүлөр үчүн которулуп жаткан бул салыктар жана төгүмдөр Яндекс Go сервистеринин комиссиясынын бир бөлүгү болуп саналбайт, алар Кыргызстандын бюджетине которулат. Бул жаңы тартип Яндекс Gонун сервиси менен кызматташкан жеткирүүчүлөрдү жана айдоочуларды - патент сатып алуудан же жеке ишкер катары каттоодон өтүп, салык отчетун өз алдынча тапшыруу талаптарынан бошотту.
