Бишкек мэриясы "Нуркожо" конушундагы коомдук транспорт боюнча түшүндүрмө берди

Бишкек мэриясы "Нуркожо" конушундагы коомдук транспорт боюнча түшүндүрмө берди

Бишкек шаарынын мэриясы Жогорку Кеңештин депутаты Улукбек Карыбек уулу тарабынан айтылган "Нуркожо" конушунда коомдук транспорт жок деген маалымат чындыкка дал келбесин билдирди. Бул тууралуу муниципалитеттен билдиришти.

Мэриянын маалыматына ылайык, учурда "Ак-Бата" конушунун акыркы аялдамасына жана "Нуркожо" конушунун башына чейин №23 жана №77 автобус каттамдары, ошондой эле №117, №128 жана №185 кичи автобустар каттап турат.

Ошол эле учурда, конуштун ичине түздөн-түз коомдук транспорт киргизүү азырынча мүмкүн эмес экени белгиленди. Мындан тышкары, тургундар коомдук транспортко жетүү үчүн 1,5–2 чакырым жөө басат деген маалымат туура эмес экени айтылды.

2026-жылдын 20-мартында тиешелүү кызматтардын катышуусунда көчмө жыйын өтүп, "Нуркожо" конушундагы транспорттук тейлөөнү жакшыртуу боюнча чечимдер кабыл алынган.

Мэрия депутат айтылган маалыматтар чындыкка дал келбестигин белгилеп, бул боюнча укуктук чара көрүү мүмкүнчүлүгүн карап жатканын билдирди.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

Ош шаарында жаңы Юстиция үйү ачылды

Нарында өнөр жай паркы түзүлөт

Бишкектеги паркка 85 түп эмен көчөтү отургузулду

Ысык-Атада 4 ири ишкананы пайдаланууга берүү пландалууда

Ошто 6 миң гектар жерге көчөт отургузулду