Ош–Кара-Суу жана Гүлчөдө жолдор 4 тилкелүү болуп кеңейет

Ош–Кара-Суу жана Гүлчөдө жолдор 4 тилкелүү болуп кеңейет

Транспорт жана коммуникациялар министринин орун басары Улукбек Жанибеков иш сапары менен Ош облусуна барып, бир катар унаа жолдордогу курулуш жана оңдоо иштеринин жүрүшү менен таанышты. Бул тууралуу ведомстводон билдиришти.

Ал Ош–Кара-Суу унаа жолун, Кара-Суу шаарындагы Х.Юлдашев көчөсүн, Алай районунун Гүлчө шаарындагы Алымбек Датка көчөсүн жана Пад–Будалык–Көбүргөн унаа жолун жеринде көрүп чыкты.

Кароо учурунда тиешелүү кызматтарга курулуш иштерин сапаттуу жана өз мөөнөтүндө бүтүрүү, ошондой эле жумуштарды тездетүү боюнча тапшырмалар берилди.

Маалыматка ылайык, Ош–Кара-Суу жолунун оңдолчу бөлүгү 18,7 чакырымды түзүп, жол 4 тилкелүү болуп, туурасы 12–15 метрге чейин кеңейтилет. Ал эми Гүлчө шаарындагы Алымбек Датка көчөсүнүн узундугу 4,5 чакырым болуп, 4 тилкелүү жол катары курулат.

Ошондой эле Пад–Будалык–Көбүргөн жолунун долбоорун тез арада бүткөрүү жана курулуш иштерин баштоо тапшырмасы берилди. Мындан тышкары, Кара-Суу шаарындагы чек ара өткөрүү пункттарына алып баруучу жолдордун абалы каралып, курулуш иштерин баштоо зарылдыгы белгиленди.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

Депутаттар Кочкордогу чокуга Ормон хандын ысымын ыйгарууну жактырышты

Өкмөт башчы Жогорку Кеңештин комитетинин жыйынына катышты

Нарында селден коргоо үчүн дамбалар курулду

24 жарандын 1,9 млн сом эмгек акысын бербей койгон эки шектүү кармалды

Кыргызстан менен Бразилия соода байланыштарын кеңейтүү боюнча талкуулашты