Кара-Балта - Моңолдор жолуна асфальт төшөлүүдө
Чүй облусунун Жайыл районуна караштуу Кара-Балта - Моңолдор унаа жолунда асфальт төшөө иштери активдүү жүргүзүлүүдө. Бул тууралуу “Кыргызавтожол” ишканасынын маалымат кызматы билдирди.
Маалыматка караганда, 2026-жылга карата титулдук тизмеге ылайык, аталган жолдун 5 чакырымына асфальт төшөө иштери пландалган. Учурда анын 900 метрине асфальт төшөлүп бүттү.
Иштер “Кыргызавтожол-Түндүк” мамлекеттик ишканасына караштуу №40 Жол тейлөө ишканасы тарабынан аткарылууда.
Жол оңдоо иштери бекитилген графиктин негизинде жүргүзүлүп, жол кыймылынын коопсуздугун жогорулатууга жана айдоочулар үчүн ыңгайлуу шарттарды түзүүгө багытталган.
