Бишкектеги Саманчин көчөсүн узартуу пландалууда
Бишкек шаарындагы Байтик Баатыр - Жукеев Пудовкин көчөлөрүнүн ортосундагы Саманчин көчөсүн ачуу пландалууда. Бул тууралуу мэрдин орун басары Рамиз Алиев социалдык тармак аркылуу билдирди.
Анын айтымында, учурда долбоордун эки варианты каралып жатат. Биринчи вариант көчө түз ачылып, Байтик Баатыр көчөсүнө чейин узартылат. Ал эми экинчи вариантта жол менен кошо жер алдындагы унаа токтотуучу жай куруу каралган.
Эске салсак, шаардагы тыгындан арылуу боюнча шаардык мэрия бир катар жолдорду кеңейтүү иштерин жүргүзүүдө.
