Түндүк-Түштүк жолу сел калдыктарынан тазаланууда
11-майда жамгырлуу аба ырайына байланыштуу Түндүк-Түштүк альтернативдик унаа жолунун 345-360-чакырымдарын сел каптады. Бул тууралуу аталган министрликтин басма сөз кызматы билдирди.
Маалыматка ылайык, учурда №31 Жол тейлөө ишканасынын кызматкерлери жана атайын техникалар тартылып, жолду сел калдыктарынан тазалоо иштери аткарылууда.
Азыркы тапта, жол эки тарптуу ачык, автоунаалар үчүн каттам бар.
Министрлик айдоочуларды тоолуу аймактарда этият болууга жана жол кызматкерлеринин көрсөтмөлөрүн так аткарууга чакырат.
