Сел жууп кеткен көпүрө калыбына келтирилди
Жалал-Абад облусундагы селден улам Ак-Там айылындагы көпүрө жабыркаган. Бул тууралуу Транспорт министрлигинин басма сөз кызматы билдирди.
Маалыматка ылайык, Жалал-Абад облусунун Кербен - Ала-Бука - Чаткал унаа жолунун 23-8 чакырымында жайгашкан Ак-Там айылындагы Чанач-Сай жайлоосуна кетүүчү жолдогу эки тарабын сел жууп кеткен көпүрөнү бетон менен бекемдөө иштери аткарылууда.
Азыркы тапта жеңил жана жүк ташуучу унааларга каттам берилди.
Көпүрөнү бекемдөө иши №17 жол тейлөө ишканасы тарабынан жүргүзүлүп, жеринде атайын техникалар тартылган.
Белгилей кетсек, кечээ 11-майдагы катуу жааган жаандан улам аталган көпүрөнүн эки тарабын сел агымы оюп кеткен.
