Түндүк – Түштүк жолуна тоо көчкүсү түштү
12-майда саат 15:30 чамасында Түндүк - Түштүк альтернативдик унаа жолунун 241,5 чакырымында тоо көчкүсү түшүп, жол убактылуу жабылды. Бул тууралуу Транспорт жана коммуникациялар министрлигинин маалымат кызматы билдирди.
Маалыматка ылайык, окуя болгон жерге №24 жол тейлөө ишканасынын кызматкерлери иштеп жатышат.
Ушу тапта инженердик техникалар тартылып, жолду ыкчам тазалоо иштери башталды. Кошумча маалымат берилет.
Министрлик айдоочуларды сак болууга жана унаалардын ортосундагы коопсуз аралыкты сактоого чакырат.
