Бишкекте 1-августтан тарта мыйзамсыз токтотулган унаалар эвакуацияланат

Бишкекте 1-августтан тарта мыйзамсыз токтотулган унаалар эвакуацияланат

Бишкек шаарында 1-августтан тарта жол кыймылынын эрежелерин бузуп токтотулган жана кароосуз калган унааларды аныктоо жана мажбурлап эвакуациялоо боюнча рейддер башталат.

Бишкек мэриясынын маалыматына ылайык, рейддик иш-чаралар Жол кайгуул кызматы менен биргеликте өткөрүлүп, көчө-жол тармагындагы тартипти жакшыртууга багытталат.

Рейддердин алкагында жол кыймылынын коопсуздугун камсыздоого, коомдук транспорт менен ыкчам кызматтардын тоскоолдуксуз жүрүшүнө шарт түзүүгө, мыйзамсыз унаа токтотууларды жоюуга жана жөө адамдар үчүн тротуарларды бошотууга өзгөчө көңүл бурулат.

Ошондой эле көчө-жол тармагын пайдаланууга тоскоолдук жараткан, узак убакыттан бери колдонулбай турган же кароосуз калган транспорт каражаттары аныкталып, эвакуацияланат.

Мындан тышкары, коомдук транспорттун аялдамаларына, жөө адамдар өтүүчү тилкелерге, кесилиштерге жана башка транспорттук инфраструктура объектилерине тоскоолдук жараткан унаалар да өзгөчө көзөмөлгө алынат.

Мэрия унаа ээлерин жол кыймылынын эрежелерин так сактоого, унааларды токтотууга тыюу салынган жерлерге калтырбоого жана узак убакыттан бери пайдаланылбай турган транспорт каражаттарын өз ыктыяры менен алып кетүүгө чакырды.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

Пенопласттан образ жараткан ишкер айым: сүйүктүү ишиңди тапсаң, чарчоо да жагымдуу

ТИМ башчысынын орун басары Абакиров Европа Биримдиги менен Экинчи министрлер жолугушуусуна катышты

Кыргызстанда банктардын кредит портфели 658,7 млрд сомго жетти

Жогорку Кеңештин депутаты дүйнө чемпиондугунда коло байге тагынды

Түп районунда 275 орундуу мектеп курулууда