Кыргызстанда бир жумада 23 миңден ашык жол эрежеси бузулду
Өлкө аймагында 24-июлдан 30-июлга чейин алдын ала маалымат боюнча 23 179 жол эрежесин бузуу фактысы аныкталды. Бул тууралуу ИИМдин Жол кыймылынын коопсуздугун камсыздоо башкы башкармалыгы (ЖКККББ) билдирди.
Маалыматка ылайык, катталган мыйзам бузуулардын ичинен:
- тиешелүү документтери жок унаа башкарган – 788;
- мас абалында унаа башкарган – 395;
- автоунаанын терезелерин мыйзамсыз караңгылаткан – 240;
- жөө жүргүнчүлөр катышкан жол эрежесин бузуу – 803;
- транспорт каражаттарын эксплуатациялоо эрежелерин бузуу – 4 793;
- автоээнбаштык – 25;
- белгиленген ылдамдыкты ашыруу – 1 500;
- жасалма мамлекеттик номер менен унаа башкаруу – 10;
- башка жол эрежелерин бузуу фактылары – 11 461.
Ошондой эле ар кандай жол эрежелерин бузгандыгы үчүн 3 164 автоунаа убактылуу айып короосуна токтотулган.
ЖКККББ айдоочуларды жол кыймылынын коопсуздук эрежелерин так сактоого жана жолдо жоопкерчиликтүү болууга чакырды.
