Таластагы жаңы жолдун асфальты лабораториялык текшерүүгө жөнөтүлдү
Курулуш, архитектура жана турак жай-коммуналдык чарба министрлигине караштуу Курулушта сертификаттоонун республикалык борбору өлкө аймагында курулуп жаткан жолдордун сапатын көзөмөлдөө иштерин улантууда.
Ведомствонун маалыматына ылайык, кезектеги көчмө текшерүүнүн алкагында Талас облусундагы Осмонкул унаа жолунун асфальт-бетон жабуусунан лабораториялык изилдөө үчүн керн үлгүлөрү алынды.
Министрликтин маалыматына ылайык, алынган үлгүлөр борбордун сыноо лабораториясына жөнөтүлүп, асфальт-бетондун физикалык-механикалык көрсөткүчтөрү текшерилет. Ошондой эле анын курулуш ченемдерине, мамлекеттик стандарттарга жана техникалык регламенттерге шайкештиги бааланат.
Белгиленгендей, мындай текшерүүлөр жол инфраструктурасынын сапатын жана ишенимдүүлүгүн камсыздоо, ошондой эле курулуш иштеринин талаптарга ылайык аткарылышын көзөмөлдөө максатында жүргүзүлөт.
