Баетов–Макмал унаа жолундагы селдин кесепети жоюлду
5-августка караган түнү саат 00:30 чамасында Баетов–Макмал унаа жолунун 36-чакырымында катуу жааган жамгырдын кесепетинен сел жүрүп, тоо капталынан куюлуп түшкөн шагыл жолду жаап, унаалардын өтүүсүнө тоскоолдук жаратты. Бул тууралуу Транспорт жана коммуникациялар министрлигинен билдиришти.
Окуя болгон жерге Транспорт жана коммуникациялар министрлигинин №15 Жол-эксплуатациялоо мекемесинин кызматкерлери атайын техникалар менен ыкчам тартылып, тазалоо иштерин жүргүзүштү.
Аткарылган иштердин натыйжасында алгач жолдун бир тарабы ачылып, унаалардын кыймылы убактылуу бир тилке аркылуу уюштурулду.
Учурда жол толугу менен тазаланып, эки багыттагы унаа кыймылы толук калыбына келтирилди.
