Бишкек мэриясы коомдук транспортту пайдаланууга чакырат

Бишкек мэриясы коомдук транспортту пайдаланууга чакырат

Бишкек шаарынын мэриясы борбор калаанын тургундарын жана конокторун күнүмдүк каттамдарда коомдук транспортту пайдаланууга чакырат.

Бүгүнкү күндө коомдук транспорт жеке автоунаага караганда үнөмдүү жана ыңгайлуу альтернатива болуп саналат. Ал күйүүчү майга, техникалык тейлөөгө жана унаа токтотууга кеткен чыгымдарды азайтып, шаар ичиндеги жүрүүнү жеңилдетет.

Акыркы жылдары борбор калаада муниципалдык автобустардын паркы жаңыланып, жүргүнчүлөр үчүн заманбап жана ыңгайлуу шарттар түзүлдү. Ошондой эле транспорт тармагын санариптештирүүнүн алкагында жол кирени банк картасы, QR-код, "Тулпар" транспорттук картасы жана башка накталай эмес төлөм ыкмалары аркылуу төлөө мүмкүнчүлүгү кеңейтилди.

Экологиялык жактан таза күйүүчү май менен жүргөн муниципалдык автобустар атмосферага бөлүнүп чыккан зыяндуу заттарды азайтууга жана борбор калаанын экологиялык абалын жакшыртууга салым кошууда.

Жүргүнчүлөрдүн ыңгайлуулугун жогорулатуу максатында коомдук транспорт үчүн атайын бөлүнгөн тилкелерди өнүктүрүү иштери улантылып жатат. Мындан тышкары, 60 мүнөттүн ичинде акысыз кайра отуруп жүрүү мүмкүнчүлүгү каралып, жүргүнчүлөргө кошумча төлөмсүз бир нече каттамды пайдаланууга шарт түзүлгөн.

Мэрия белгилегендей, коомдук транспортту тандоо жол тыгындарын азайтууга, айлана-чөйрөнү коргоого жана шаардагы транспорттук жүктү төмөндөтүүгө жардам берет.

"Коомдук транспортту тандаңыз — каражатыңызды үнөмдөңүз, экологияны коргоого жана Бишкекти ыңгайлуу шаарга айлантууга өз салымыңызды кошуңуз!", -деп айтылат маалыматта.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

Пенопласттан образ жараткан ишкер айым: сүйүктүү ишиңди тапсаң, чарчоо да жагымдуу

ТИМ башчысынын орун басары Абакиров Европа Биримдиги менен Экинчи министрлер жолугушуусуна катышты

Кыргызстанда банктардын кредит портфели 658,7 млрд сомго жетти

Жогорку Кеңештин депутаты дүйнө чемпиондугунда коло байге тагынды

Түп районунда 275 орундуу мектеп курулууда